23 Mar 2018

কংগ্ৰেছৰ নতুন শ্ল’গান, ‘দলিত কী সন্মান মে, ৰাহুল গান্ধী মৈদান মে’

By NNO WEB BUREAU 0 Comments

ডিজিটেল ডেস্কঃ দেশৰ সৰ্বোচ্চ আদালতে শুকুৰবাৰে এটি গোচৰৰ ৰায়দানত জাতিবাদৰ নামত ঘৃণা বিয়পাবৰ বাবে আইনৰ দুব্যৱহাৰ কৰিব নালাগে বুলি কৈ আইন সকলোৰে বাবে সমান হ’ব লাগে বুলি কয়৷

ন্যায়ালয়ে অনুসূচীত জাতি আৰু অনুসূচীত জনজাতিৰ আইন অপব্যৱহাৰৰ ক্ষেত্ৰত মন্তব্য প্ৰকাশ কৰি এই আইনৰ অধিনত ৰুজু হোৱা গোচৰত শীঘ্ৰে গ্ৰেপ্তাৰ হ’ব নালাগে বুলি কয়৷ 

আদালতৰ মতৰ বিৰুদ্ধে ইতিমধ্যে কংগ্ৰেছ দলে প্ৰতিবাদ আৰম্ভ কৰে৷ কংগ্ৰেছে এই সিদ্ধান্তৰ বিৰুদ্ধে চৰকাৰক আদালতত আৱেদন জনাবলৈ দাবী জনায়৷ সংসদ চৌহদত ৰাহুল গান্ধীৰ নেতৃত্বত কংগ্ৰেছৰ সাংসদে প্ৰতিবাদ সাব্যস্ত কৰে৷ এই প্ৰতিবাদথলীতে কংগ্ৰেছে ‘দলিত কী সন্মান মে, ৰাহুল গান্ধী মৈদান মে’ শ্লগান দিয়ে৷

ন্যায়ালয়ে অনুসূচীত জাতি আৰু অনুসূচীত জনজাতিৰ আইনৰ জৰিয়তে কোনো লোক গ্ৰেপ্তাৰ হোৱাৰ পূৰ্বে জিলা আৰক্ষীৰ উপ-অধীক্ষক পৰ্যায়ৰ আৰক্ষী বিষয়াৰ দ্বাৰা গোচৰৰ তদন্ত হোৱা প্ৰয়োজন বুলি কয়৷ জ্যেষ্ঠ ন্যায়াধীশ আদৰ্শ গোৱেল আৰু য়ু য়ু ললিতৰ বেঞ্চে কয়, এছচি-এছটি আইনৰ অধিনত গোচৰ ৰুজু হলে জামিন নিদিয়াৰ কোনো পূৰ্ণ প্ৰতিবন্ধকতা নাই৷

কংগ্ৰেছে উচ্চতম ন্যায়ালয়ৰ এই সিদ্ধান্তৰ পিছতেই চিন্তা ব্যক্ত কৰি এই সন্দৰ্ভত পুনৰ বিচাৰ হ’ব লাগে বুলি কয়৷ চৰকাৰে এই সন্দৰ্ভত সংসদত আইন আনি সংশোধন কৰিব লাগে বুলি কয়৷ প্ৰধানমন্ত্ৰী আৰু আন কোনো মন্ত্ৰীয়ে এই ক্ষেত্ৰত মন্তব্য প্ৰকাশ কৰা নাই বুলি অভিযোগ উত্থাপন কৰি চৰকাৰৰ সহমত থকা বুলি অভিযোগ উত্থাপন কৰে৷

কংগ্ৰেছ অধ্যক্ষ ৰাহুল গান্ধীয়ে টুইট কৰি কয় ‘‘এছচি-এছটি আইন দলিত আৰু আদিবাসীসকলৰ বিৰুদ্ধে উৎপীড়ন ৰোধ কৰাৰ বাবে বিশেষ গুৰুত্বপূৰ্ণ৷ মোডী চৰকাৰ এই ক্ষেত্ৰত আদালতত ভূমিকা পালনত বিফল হৈছে৷ প্ৰধানমন্ত্ৰী, বিজেপি, আৰএছএছৰ দলিত বিৰোধী বিচাৰৰ পক্ষত নিজৰ দায়িত্ব ত্যাগ কৰিব নালাগে৷’’