কোকৰাঝাৰঃ কোকৰাঝাৰ জিলাৰ বিশমূৰীৰ উপ আৰক্ষী চকীৰ অন্তৰ্গত ৯ নং দহলাপাৰাত আজি আৰক্ষী-সেনাবাহিনীয়ে যুটীয়া অভিযান চলাই  এনডিএফবি সংবিজিত গোটৰ এক দুধৰ্ষ সদস্যক অস্ত্ৰসহ গ্ৰেপ্তাৰ কৰে৷

গোপন সূত্ৰৰ পমখেদি আজি আৰক্ষী- সেনাবাহিনীয়ে পুৱা ৭ বজাত  দহলাপাৰাত অভিযান চলায় আৰু দহলাপাৰাৰ এঘৰত আশ্ৰয় লৈ থকা অৱস্থাত এনডিএফবিৰ দুধৰ্ষ সদস্য দেৰহাছাৎ বসুমতাৰীক গ্ৰেপ্তাৰ কৰে৷

এনডিএফবি সদস্যজনৰ পৰা এটা ৭.৬৫ পিস্তল, এটা মেগজিন, মোবাইল হেণ্ডছেট এটা আৰু তিনিজাই সজীৱ গুলী জব্দ কৰিছে৷

কোকৰাঝাৰ সদৰ থানাত সদস্যজনক জেল হাজোতলৈ প্ৰেৰণ কৰে ৷ উল্লেখ্য যে ধৃত এনডিএফবি সদস্য গৰাকী বিভিন্ন ধনদাবীৰ ঘটনাৰ সৈতে জড়িত আছিল।